Порибувањето го спровело регистрираното мрестилиште „Акватика“ од Неготино, со 500.000 денари обезбедени од Министерството за земјоделство, шумарство и водостопанство преку Програмата за финансиска поддршка во рибарството и аквакултурата за 2026 година.
Инспектори од Државниот инспекторат за земјоделство го следеле порибувањето и ја контролирале вкупната тежина на подмладокот и бројот на единките пуштени во езерото.
Министерот Борче Серафимовски изјави дека со порибувањето се поддржува обновата на локалната популација на крап и дека ќе продолжат вложувањата во рибниот фонд и неговата заштита, со цел зачувување на биодиверзитетот на Преспанското Езеро.
Директорот на Државниот инспекторат за земјоделство, Ивица Ангеловски, најави засилени контроли на езерото и продолжување на соработката со риболовните здруженија за заштита на рибниот фонд и спречување незаконски риболов.
