Според прогнозата, во петок ќе преовладува релативно топло време, со температури значително над просекот за овој период од годината.
Под влијание на јужно воздушно струење, ветерот наместа повремено ќе достигнува брзина над 80 километри на час. Во Скопје ќе дува умерен до засилен јужен ветер, а времето ќе биде претежно облачно.
Во одделни котлини се очекува појава на утринска магла. Во земјава ќе има променливо облачно време, а периодот што следува ќе донесе повремени локални врнежи од дожд со слаб до умерен интензитет.
Од сабота, поради продор на постудена воздушна маса од север, температурите ќе бидат во опаѓање.
