Контролата ја спровеле царински службеници од Царинарницата Битола и мобилни тимови на Одделението за оперативни работи, со полициска асистенција.
Шест лица биле затекнати како продаваат тутун без акцизни маркички. Против нив се поведени постапки пред надлежниот суд и Комисијата за прекршоци.
Од Царинската управа информираат дека ова е втора акција во краток период. Во претходна контрола на пазарот во Чаир биле запленети 135 килограми режан тутун, а Управата најави засилени контроли во внатрешноста на државата и истраги за увозот на тутун и тутунски производи.
