Манчестер Јунајтед е на праг да му врачи отказ на менаџерот Мајкл Керик, додека Маурисио Покетино се споменува како еден од главните кандидати за нов тренер на клубот.
Според британските медиуми, извршниот директор Омар Берада и директорот за фудбал Џејсон Вилкокс ќе им предложат на сопствениците Сер Џим Ратклиф и семејството Глејзер да го отпуштат Керик. Клубот сака тренерската промена да се случи за време на репреzentативната пауза.
Покетино, моментално селектор на репрезентацијата на САД, е подготвен да се врати во Премиер лигата. Според „Би-Би-Си“, доколку Јунајтед се реши за него, ќе мора да плати обесштетување од 10 милиони долари, иако други извори наведуваат дека има клаузула во договорот со САД која му овозможува да раскине.
Како други можни наследници се споменуваат Еди Хау, Јулијан Нагелсман и Антонио Конте. Раководството на клубот не сака да донесе брза одлука, иако Манчестер Јунајтед моментално се наоѓа во зоната за испаѓање.
Поранешниот играч на Јунајтед, Рој Кин, изјави дека Керик „зборува многу, а кажува малку“ и дека мора да „си оди“ за тимот да игра подобро, коментар што дојде откако клубот одигра 4:4 против Астон Вила.
