Манчестер Јунајтед не успева да оствари победа откако загуби од Њукасл на крајот од 2025 година. Рубен Аморим беше разрешен од менаџерската позиција, но работите на „Олд Трафорд“ остануваат непроменети.
Под водство на привременото менаџер Дарен Флечер, „црвените ѓаволи“ одиграа нерешено 2:2 против Барнли, екипа која е на предпоследното место во Премиер лигата, а вечерва беа елиминирани од ФА Купот.
Натпреварот на „Олд Трафорд“ заврши со резултат 1:2 (0:1), што значи дека Брајтон обезбеди место во четвртото коло од најстарото фудбалско натпреварување на светот.
Брајан Груда беше недвосмислено најдобриот играч на теренот. Овој 21-годишен талент му донесе предност на Брајтон во 12. минута и учествуваше во решавачкиот гол, асистирајќи му на 35-годишниот Дани Велбек, поранешниот напаѓач на Манчестер Јунајтед.
Бенјамин Шешко успеа само да го намали резултатот после корнерот кој го изведе Бруно Фернандеш во 85. минута.
Следната сабота, Јунајтед ќе се соочи со Манчестер Сити во дербито.
