Реакции од Софија по инаугурацијата на Силјановска-Давкова: Не прифаќаме изјави и однесување спротивни на Договорите со Бугарија и ЕУ

„Бугарија не прифаќа изјави и однесување кои се во спротивност, како со Договорот за пријателство, добрососедство и соработка од 2017 година, така и со договорите меѓу Европската Унија и Република Северна Македонија (РСМ)“. Ова се вели во ставот на бугарскиот в.д. премиер Димитар Главчев, по повод инаугурацијата на Гордана Силјановска-Давкова.

Ова, како што пренесува БТА, е и ставот на бугарскиот претседател Румен Радев, кој претходно денеска го пренесе, прес-службата на неговиот кабинет.

„Бугарија постојано и јасно го кажа својот став дека договорите мора строго да се спроведуваат. Убедени сме дека европската перспектива на Република Северна Македонија целосно зависи од имплементацијата на меѓународните договори во кои е членка, како и од одобрениот од Европскиот совет во јули 2022 година“, се посочува во соопштенијата од кабинетите на Главчев и Радев.

Прочитајте и:  Сиљановска Давкова од Конференцијата за Украина: Потребен е нов Маршалов план

Двајцата, исто така, потсетуваат дека земјава е членка на НАТО, од каде, велат, произлегуваат соодветните обврски и одговорности.

Новоизбраната претседателка Гордана Силјановска-Давкова вчера ја презеде функцијата откако положи заклетва пред Собранието, при што во името на државата ја изостави придавката „Северна“, што предизвика низа реакции од Грција и ЕУ за почитување на Договорот од Преспа од 2018 година.

- Реклама -