Манчестер Сити четврти меч без победа, Фулам освои бод на „Етихад“

Манчестер Сити одигра 1:1 против Фулам на „Етихад“ и продолжи со серијата од четири натпревари без победа.

0
Манчестер Сити четврти меч без победа, Фулам освои бод на „Етихад“ (Опсервер)
Фото: Опсервер

Манчестер Сити и Фулам одиграа нерешено 1:1 во 11. коло од Премиер лигата, на натпреварот одигран на „Етихад“. За Сити ова беше четврти последователен меч без победа.

Фулам поведе во 16. минута преку Родриго Муниз, кој погоди по асистенцијата од Оскар Боб. Ерлинг Халанд постигна гол во 25. минута, но погодокот беше поништен поради прекршок во акцијата што му претходеше.

Реклама

Домашниот тим го зголеми притисокот во второто полувреме, а израмнувањето стигна во 57. минута. Елиот Андерсон со волеј-удар од работ на шеснаесетникот го совлада Лено и го постигна првиот гол за Манчестер Сити.

Резултатот не се промени до крајот на натпреварот, па двата тима освоија по еден бод. Сити е трет со 22 бода, додека Фулам се наоѓа на 15. место со 11 поени.