Фудбалерот на Барселона, Ламин Јамал, пред реваншот со Атлетико Мадрид во четвртфиналето на Лигата на шампионите, изрази уверување дека неговиот тим може да направи пресврт, и покрај поразот од 2:0 во првиот натпревар.
Барселона во минатото веќе имала големи пресврти, како на пример, во мечот против Пари Сен Жермен, кога успеа да победи со 6:1 откако беше во негатива од 0:4 по првото полувреме.
„Го гледав тој натпревар многупати, дури и во живо на стадионот. Нејмар е значаен дел од моето детство и мој идол. Засекогаш ќе бидам благодарен за сè што направи за фудбалот. Нè инспирираше сите нас. Луѓето купуваа билети само за да го гледаат, а по неколку дена повторно ги прегледуваа снимките за да видат какви потези направил. Сакам да му се заблагодарам за неговиот придонес и се надевам дека ќе го видиме на Светското првенство“, вели Јамал.
Тој исто така спомна дека еден од неговите идоли е и кошаркарот Леброн Џејмс, кој во 2016 година, со Кливленд, направи невиден пресврт во финалето на НБА против Голден Стејт, од 0:2 и 1:3 до 4:3 во победи.
„Леброн исто така ме инспирира пред утрешниот натпревар. Размислувам за тоа како го водеше тимот до пресвртот и се надевам дека и јас ќе можам да направам нешто слично. Но, не сум сам; имаме многу играчи. Јас сум само дел од тимот. Важно е сите да веруваме и да размислуваме позитивно, што многу пати го покажавме. Мораме да се бориме за грбот што го носиме и ќе дадеме се од себе за да го постигнеме ова.“
На крајот, младиот фудбалер дополнува:
„Важно е да играме онака како што знаеме, со многу интензитет. Не смееме да мислиме дека пресвртот е невозможно. Влегуваме во натпреварот со резултат 2:0, но мораме да веруваме во пресвртот“, заклучува Јамал.
Фото/ EPA
