Премиерот Христијан Мицкоски, гостувајќи во емисијата „Тема на денот“ на Сител, ги коментираше изјавите на Жан Митрев, кој тврдеше дека имало обид за преземање на неговата болница од страна на поранешниот премиер Зоран Заев и министерот Венко Филипче. Мицкоски посочи дека Обвинителството треба да го повика Митрев за да ги изнесе доказите за своите тврдења, бидејќи само на тој начин може да се утврди вистинитоста на ситуацијата.
„Изјавите на Жан Митрев се сведочење на жртва од поранешната власт. Не знам дали Обвинителството веќе го повикало да даде исказ и докази, а тоа е клучно. Очекувам новиот јавен обвинител да ја сфати оваа задача како приоритет и да го повика Жан, доколку тоа не е веќе направено. Човекот јавно тврди дека бил изложен на уцена од високи функционери“, рече Мицкоски.
Премиерот дополнително истакна дека има многу случаи на корупција кои требует истражување, и се надева дека со новиот јавен обвинител, луѓето ќе се охрабрат да пријавуваат со докази.
„Клучното е не дали Зоран Заев поднел тужба за клевета, туку дали нашето Обвинителство ја повикало лицето кое тврди за уцена. Многу луѓе ми се јавуваат и сведочат за притисоци од поранешната влада. Се разбира дека во претходниот состав на Обвинителството можеби имало страв, бидејќи обвинителите беа избрани од поранешното мнозинство. Со новиот обвинител, очекувам сите оние кои се жртви да пријават со докази за неправилности, како што се фактите за магични трансакции од РЕК Битола до фирми во Бугарија“, подвлече Мицкоски.
„Клучно е дали Обвинителството го повикало Жан Митрев да изнесе своите докази. Тоа е единствениот начин да се утврди дали неговите тврдења се вистинити“, заврши премиерот.
