Toyota ја претстави специјална верзија на купето GT86 која значително се разликува од стандардниот модел.
Модификација го доби името Cb (Cool Beauty), а првенствено треба да го привлече вниманието на дамите.
Верзијата Cb се разликува од вообичаеното купе во предниот дел по заоблените фарови, капак на моторот со поблаги линии, модифициран браник, маска на ладилникот и уникатните дневни светла. Освен тоа е измене делот со светлата против магла, каде има три ленти со LED диоди. За основата на Toyota Cool Beauty e користен истоимениот концептен модел прикажан во 2013 година на автосалонот во Токио. Според замислата на креаторите на машината, таа е наменета на прво место за дамите.
Разлики има и во задниот дел на возилото, каде постои нова и далеку посложена светлосна техника. Тука и помасивниот, но сепак елегантен заден спојлер. Моторот на GT86 не е менуван. Под капакот останува 2.0-литарскиот атмосферски боксер со моќност од 200 КЅ. Новата верзија може да се нарача со 6-степен мануелен менувач, а и со автоматски со ист број брзини.
