Според објавите, до приведувањето доаѓа откако Алта банка во саботата остана без дозвола за работа. Извршниот одбор на Народната банка на Србија соопшти дека пред таа одлука биле спроведени контролни активности насочени кон зголемување на ликвидноста на банката.
Во соопштението на централната банка се наведува дека финансиската состојба на Алта банка претходно значително се влошила и дека постои можност за дополнително влошување на финансиската состојба или ликвидноста, со што се загрозени интересите на штедачите.
Народната банка на Србија соопшти и дека Агенцијата за осигурување депозити ќе ја спроведе исплатата на осигурените депозити согласно законот. Штедачите, според најавата, навреме ќе бидат известени во која банка ќе можат да ги подигнат осигурените депозити до 50.000 евра, како и за постапката за пријавување и исплата на останатите побарувања.
Централната банка наведе и дека, со донесувањето решение за исполнетост на условите за поведување стечајна постапка над банката, управувањето е пренесено на Агенцијата за осигурување депозити, а се поведени и постапки против банката, нејзините акционери и органите на управување, како и против други одговорни лица.
Мацура во јавноста е познат и како бизнисмен близок до Српската напредна партија.
