Норвешка ни донира 76 воени возила за Армијата, „надоместок“ за опремата донирана за Украина

Норвешка испрати 76 воени возила за Македонија. Вкупно 40 камиони и 36 лесни пешадиски возила се натоварени вчера од пристаништето Оркангер и со брод ќе бидат транспортирани до Солун, информираат од Норвешката амбасада.

Со донацијата, најавен во септември 2023 година, како што информираат од амбасадата на Норвешка, ќе биде опремен лесен пешадиски баталјон.

– Донацијата ја симболизира важноста на НАТО солидарноста и соработката меѓу земјите членки. Способноста на алијансата да одговори на криза или конфликт зависи од силата и солидарноста на сите земји членки, а не само на една нација. На 4 април оваа година НАТО алијансата полни 75 години. Северна Македонија стана членка на НАТО во 2020 година, а Норвешка е членка на НАТО од формирањето на алијансата во 1949 година. Двете земји имаат долга историја на билатерална соработка, а со влезот на Северна Македонија во Алијансата во 2020 година соработката стана уште посилна, се вели во соопштението од Норвешката амбасада.

Прочитајте и:  Германската „Рајнметал“ потврди дека гради фабрика за муниција во Украина

Донацијата, стои во соопштението, е и индиректна донација за Украина, бидејќи земјава претходно донираше значителна количина опрема за Украина. Со норвешката донација, Македонија ќе може повторно да надополни дел од опремата што ја подариле, посочуваат од амбасадата на Норвешка.

- Реклама -