Лидерот на ВМРО-ДПМНЕ Христијан Мицковски попладнево преку својот фејсбук профил изрази жалење што раководството на „Левица“ ја одбива, како што вели, подадената рака за обединување со опозицијата.
„Дозволувам да верувам дека ова е можеби резултат на недостаток на политичкото искуство на раководството на Левица. Впрочем, никој не побара од Левица да помогне да дојдеме на власт. Побаравме да се обединиме да го срушиме Заев, а фактите говорат дека дел од раководството на Левица има лична одговорност за носењето на коалицијата СДСМ/ДУИ на власт. Еве шанса да се поправи грешката која сите нас скапо нѐ чини. Да се обединиме во голем опозициски блок против СДСМ и ДУИ. Целта е коалиција против криминал и корупција, за вадење на Македонија од калта во која се наоѓа, за подобра економија, образование и здравство“, напиша Мицкоски.
Наведува дека од „Левица“ зависи дали ќе биде дел од опозициската коалиција.
