Средбата била посветена на зачувувањето на споменот за ослободителите и на пренесувањето на нивниот завет на новите генерации. Ѓорѓиевски им се заблагодарил на претставниците за нивната посветеност.
Тој потсетил дека по неколкудневни тешки борби со фашистичкиот окупатор, борците од 42-та и 50-та народноослободителна дивизија и 16-та македонска бригада ја донеле слободата на Скопје.
Ѓорѓиевски рекол дека градоначалничката функција ја извршува со почит и решителност да гради Скопје во кое достоинството, солидарноста и заедништвото ќе бидат дел од секојдневието, како и град што ќе им биде оставен на идните генерации со гордост.
