Под хаубата веројатно се наоѓа надградена верзија на познатиот 3,0-литарски линиски шестцилиндричен мотор со два турбополначи, познат интерно како С58. Сепак, моторот нема да биде идентичен со оној во сегашниот модел.
БМВ претходно објави „нов тип шестцилиндричен мотор“, што ги поттикна шпекулациите за можно воведување на некаков вид електрификација. Во меѓувреме компанијата ја отфрли можноста за вградување тежок плагин хибриден систем, па затоа најверојатното решение е благ хибрид, првенствено поради сè построгите еколошки прописи.
БМВ неодамна го адаптираше моторот за европскиот пазар за да се исполни нормата Еуро 7. За таа цел се користи технологијата „M игнајт“, која веќе се применува на моделите M2 и M4. Системот вклучува палење со претходна комора, две свеќички по цилиндар и турбополначи со променлива геометрија. Целта е да се подобри ефикасноста без намалување на моќноста, а БМВ истакнува дека оваа технологија му дава на моторот и поостар звук при повисоки вртежи.
За да се исполнат идните прописи на ЕУ, следниот M3 би можел да добие и 48-волтен благ хибриден систем, иако БМВ сè уште официјално не го потврди ова. Покрај тоа, има гласини кои укажуваат на голема промена во филозофијата на моделот.
Според тие информации, БМВ би можел да понуди исклучиво погон на сите тркала како стандард во следниот бензински M3. Тоа би го означило крајот на опциите само со погон на задните тркала со мануелен менувач, што е значително отстапување од 40-годишната традиција на моделите M3 која датира од оригиналниот E30 со мотор со четири цилиндри.
Останува надежта дека купувачите барем ќе имаат можност да го исклучат погонот на предните тркала, како што е случајот со сегашниот M3 компетишн ексдрајв и новиот M350 ексдрајв. Сепак, љубителите на класичната комбинација со погон на задните тркала и три педали треба да размислат за купување на сегашниот Г80 додека е сè уште достапен. Лимитираната серија M3 ЦС хандшалтер би можел да биде последниот M3 со мануелен менувач.
Во однос на изгледот, се очекува бензинскиот M3 во голема мера да личи на најавениот електричен M3 во однос на дизајнот. Пропорциите малку ќе се разликуваат, но целокупниот дизајн на надворешноста и ентериерот ќе бидат речиси идентични. До крајот на деценијата, на пазарот треба да се појават каравански верзии на двата модели, едната со четири електрични мотори, а другата со шестцилиндричен бензински мотор.
БМВ веќе објави дека обете верзии на моделот M3 ќе имаат слична цена.
