Ниту Заев ниту другите нема да го имаат задоволството да ја видат ДУИ во опозиција. „Ќе ви исчезне насмевката на усните на 15 јули“, порача лидерот на ДУИ – Али Ахмети во интервју во „Изборни дебати“ на „ТВ21“.
Според него, целта на СДСМ не е да ја испрати ДУИ во опозицијата, туку да ги испрати Албанците во опозиција.
„Сѐ уште мислат дека Албанците се дрвосечачи, сѐ уште ги гледаат Албанците како собирачи на отпад, а не на врвот на власта со која раководат успешно 18 години“, рече Ахмети.
Прашан за „најавената“ размена на пратеници меѓу СДСМ и ВМРО-ДПМНЕ за да се избегне уценувањето од ДУИ, Ахмети рече дека тоа не само што е нелегитимно и ќе значи „уништување на хегемонизмот“, туку е „опасно“ и претставува „потпалување оган“. Доколку македонскиот блок се обедини, и албанскиот блок ќе се обедини, рече тој. Погледнете повеќе ТУКА.
