Целосно новото Peugeot 308, кое имаше деби на салонот во Франкфурт, ќе има и набилдана верзија GTI. Таа ќе располага со околу 250 КЅ и најверојатно ќе биде подготвена веќе следната година, пишуваат повеќе медиуми, повикувајќи се на официјална информација од француската компанија.
Слично на помалиот 208 GTI, набилданата верзија на Peugeot 308 ќе располага со засебен бодикит, модифицирана суспензија, спортски сопирачки и уникатна опрема. Моќноста ќе биде околу 250 КЅ, „исцедена“ од 1.6-литарски мотор, а ќе се пренесува на предната оска со мануелен менувач. Динамички индикатори не се познати, но можеме да очекуваме забрзувањето од место до 100 km/h да трае малку повеќе од шест секунди.
Високата динамика сепак не е единствената цел пред инженерите на 308 GTI. Да, моделот ќе биде брз, но и многу практичен, тврдат Французите, a прецизираат дека машината ќе нуди одличен баланс меѓу моќта и удобностa.
Текстот е објавен во соработка со АвтоПлус
