
Искусниот бек го одигра својот 26. натпревар во НБА кариерата со најмалку 50 поени, со што го надмина Коби Брајант и се осамостои на третото место на вечната листа според овој критериум. Пред него остануваат само Вилт Чемберлен и Мајкл Џордан.
Ова беше првиот натпревар на Харден со 50 или повеќе поени од 22 ноември 2025 година, кога како играч на Лос Анџелес Клиперс постигна 55 поени против Шарлот Хорнетс. Против Индијана шутираше 15/26 од поле, погоди седум тројки од 11 обиди, имаше учинок 14/14 од линијата за слободни фрлања и запиша шест скока и шест асистенции.
Харден го оствари најдобриот поентерски учинок во дресот на Кливленд откако во февруари пристигна во екипата, а стана и шестиот кошаркар во историјата на франшизата кој постигнал 50 поени на еден натпревар. Кливленд со победата го подобри учинокот на 2-1 во Групата Б од Источната конференција на НБА Купот.



