Samsung на почетокот на месецот го претстави Galaxy S4, а многумина оценија дека овој уред е вистинска конкуренција на iPhone 5.
Galaxy S4 поседува најнов хардвер и софтвер како камера од 13 мегапиксели, технологија за следење на движењето на очите и можност за користење на телефонот без допирање на екранот.
Иако iPhone и понатаму е импресивен смартфон, се чини дека не е ни блиску до најновото чедо на Samsung.
1.Galaxy S4 е побрз од iPhone 5
Телефонот на Samsung поседува две верзии во зависност од пазарот, едната поседува quad, а другата оcta core процесор. Primate Labs изработиле бенчмарк тест во коj се спротиставил Galaxy S4 со конкуренцијата, вклучувајќи го и iPhone 5. Резултатите покажале дека S4 со quad core процесор е речиси два пати побрз од iPhone 5.
2.Galaxy S4 има поголем екран
Екранот на Galaxy S4 има 5 инчи што е речиси еден инч повеќе од дисплејот на iPhone 5.
3.S4 има подобар софтвер за камера
Galaxy S4има камера од 13 мегапискели, во споредба со камерата од 8 мегапискели која се наоѓа на iPhone 5. Тоа што оваа камерa дополнително ја издвојува е софтверот кој прави секој аматер да изгледа како вистински професионалец. S4 се издвојува благодарениe на функциите како што се photo blur (овозможува бришење на луѓе и предмети од фотографиите) и Share Shot (кој овозможува поврзување на повеќе Galaxy телефони за меѓусебно споделување фотографии).
4.Galaxy S4 има повеќе употреби
Galaxy S4 има најнова верзија на Android, кој е значително полесен за подесување и менување од iOS-от на Apple. Меѓутоа, покрај телефонските повици и симнување апликации, Galaxy S4 може да се користи и како далечински управувач за компатибилни Samsung телевизори.
5.Galaxy S4 има поостар екран
Retina екранот на iPhone има резолуција од 1136 x 640 пиксели со 326 пиксели по инч. Меѓутоа, Samsung користел HD Super AMOLED дисплеј и дополнително ја зголеми резолуцијата на Galaxy S4 на 1920 x 1080 со 441 пиксел по инч.
6.Google Now е значително подобар од Siri
Иако ова е функција на Android, и понатаму претставува причина која го става S4 пред iPhone 5.
Google Now е персонален асистент кој доаѓа од Android 4.1 кој користи информации кои се достапни на вашиот телефон за да ви даде релевантни информации. Да речеме, вашиот телефон го знае патот по кој одите дома и ако има метеж ќе добиете известување и насоки за улиците без сообраќај.
7.Galaxy S4 има повеќе меморија
S4 има 2GB RAM. Ова им овозможува на корисниците да отворат повеќе апликации во исто време, да има повеќе табови во пребарувачот и генерално придонесува за брзината на телефонот. iPhone поседува 1GB RAM.
8.Galaxy S4 има заменлива батерија
Заменливата батерија значи дека нема да морате постојано да бидете во близина на штекер. Samsung продава и дополнителни батерии како и футроли кои во себе имаат интегрирано батерија за да не се најдете во ситуација да останете без телефон кога ви е најпотребен.
9.Корисниците може да го зголемуваат просторот за складирање на информации
Доколку не сакате да плаќате повеќе за Galaxu S4 со 64GB простор за складирање, многу лесно може да додадете уште простор со MicroSD картичка.
