Научниците го промениле „кодот на животот“ во откритие кое би можело да овозможи создавање лек за стотици сериозни болести. Откритието, кое научницит го нарекуваат „ново чудо на модерната медицина“, би можело да овозможи создавање метод за поништување на симптомите и болката предизвикана од околу една третина од генетските болести.
Болестите како цистична фиброза, хемофилија и DMD, неизлечива состојба од која годишно страдаат по 100 бебиња во Британија. Откритието би можело да опфати и разни тумори. Деловите од mRNA – „роднината“ на DNA која ги содржи генетските секвенци од кои се составени протеините потребни за нашите тела, и сите органи, да работат идеално. Понекогаш, производството на протеини е прекинато од биолошки процес познат како „грешен стоп кодон“, генетско „црвено светло“, кој може да има сериозни последици по телото.
На пример, кај цистичната фиброза, недостатокот на клучен протеин е причина за полнење на белите дробови со густ леплив слуз, што предизвикува постојани инфекции и слаб раст. Во експерименти извршени врз квас, истражувачите од Универзитетот од Рочестер, откриле начин за претварање на едно „црвено светло“ во зелено, со што се овозможува создавање на функционален протеин. Тие веруваат дека истиот принцип би можел да биде применет и врз човечката mRNA – што би овозможило создавање третмани за спречување на голем број болести пред да настанат.
Ји-Тао Ју, главниот автор на студијата, изјавил: „Ова е многу возбудливо. Никој не би ни замислил дека би можеле да промениме стоп кодон на овој начин.“ Роберт Бамбара, претседател на одделот за биохемија на универзитетот, изјавил: „Способноста за манипулирање на производството на протеини од специфичен ген е новото чудо на модерната медицина. Ова е навистина моќен концепт кој би можел да биде употребен за потиснување на тенденциите на индивидуите за добивање одредени сериозни, некогаш и фатални, генетски болести кои засекогаш ќе го променат нивниот живот.“
Професор Бамбара предвидува дека во следните 20 години ќе биде можно да се користат слични техники за справување – па дури и лечење – на болести кај луѓето. Тој предвидува користење на инјекции со гени кои ќе го започнат процесот на корекција. Теоретски, еден третман би можел да биде доживотен лек. Професорот додал: „Околу една третина од генетските болести се резултат на дефект во синтезата на само еден протеин. Ако успеете да го отстраните тој дефект ефективно ќе ја излекувате болеста. Ова е технички многу тешко но ова истражување покажува дека е возможно.“
Сепак, тој признава дека етиката поврзана со промената на генетскиот код мора да биде земена во предвид. Иако направените измени не би биле пренесени на следната генерација, технички би било можно да се манипулираат особини како боја на очи. Британските експертисе задоволни од истражувањето но предупредиле дека истото е сè уште во рана фаза. Доктор Филипа Брајс, вели дека една од тешкотиите би била создавање на третман кој нема да им пречи на останатите процеси во телото. Таа изјавила: „Ова откритие е навистина возбудлив развој за генетиката, но има големи пречки кои ќе мора да бидат надминати пред да биде употребен за лекување на генетски болести.“ [Genetic ‘green light’ could lead to a cure for hundreds of ills]
