Philips официјално презентираше пет нови iPhone бази со звучници, први од производителот кои се со новиот и намален Lighting конектор.Додека цените наскоро треба да бидат објавени, Philips DCM3155 Urban Micro System веројатно ќе биде првиот претставен модел. Овој апарат е најголем од серијата и има форма на столб.
Тука е и Philips DCM2067 Lifestyle музичкиот систем кој има CD плеер и FM радио покрај базата, како и излез од 20W RMS.
Следен на списокот е преносниот докинг звучник Philips DS7580, кој доаѓа со портабилна батерија нудејќи до 8 часа непрекинато слушање музика, како и моќната wOOx технологија за подобрување на басовите.
И конечно, ќе бидат претставени уште две помали бази со звучници: DS1155 Bedroom Docking Speaker и DS3205 Room to Room Docking Speaker. Звучникот DS1155 во основа е аларм кој се поставува до креветот и се синхронизира со часовникот на вашиот iPhone 5 или iPod Touch, а содржи и усб-влез, со кој овозможува да се полни друг уред.
За звучникот DS3205, моментно нема доволно откриени карактеристики, но веројатно вклучува неодимиум звучници за подобар квалитет на звукот.
Наскоро ќе бидат откриено кога овие производи ќе бидат достапни на пазарот. [via iPodNN]
