Американскиот Сенат го усвои пакетот од 95 милијарди долари за помош за Украина, Израел и Тајван, Зеленски ја поздрави одлуката

Американскиот Сенат усвои нацрт-закон за пакет помош од 95,3 милијарди долари за Украина, Израел и Тајван, и покрај повеќемесечното противење на Републиканската партија за испраќање помош во Киев.

Гласањето дојде откако мала група републиканци кои се противат на испраќање 60 милијарди долари во Украина одржаа говор пред Сенатот во текот на ноќта, користејќи ги последните часови од дебатата за да инсистираат САД да се фокусираат на сопствените проблеми пред да испратат повеќе пари во странство.

Повеќе од 10 републиканци сепак гласаа со речиси сите демократи за усвојување на пакетот, при што поддржувачите тврдат дека напуштањето на Украина може да го охрабри рускиот претседател Владимир Путин и да ја загрози безбедноста ширум светот.

Украинскиот претседател Володимир Зеленски денеска ја поздрави одлукатa.

„Благодарен сум на сенаторот Чак Шумер, на лидерот на демократите во Сенатот Мич Мекконел и на секој американски сенатор кој ја поддржа континуираната испорака на помош за Украина додека се бориме за слободата, демократијата и вредностите што сите ги чуваме“, рече Зеленски на социјалната мрежа „Икс“.

Тој додаде дека за Украина, продолжувањето на американската помош „помага да се спасат човечки животи од рускиот терор“.

- Реклама -