Апликацијата Kimoji на Ким Кардашијан за кратко време станала хит на App Store. Сепак, апликацијата меморира сѐ што ќе напишете, вклучувајќи ги броевите на кредитните картички и други доверливи информации, пишува Телефони.мк.
Kimoji е апликација со емотикони, кои ја претставуваат Ким Кардашијан и нејзините поединечни делови на телото со кои стана популарна. И покрај проблемите со приватноста на корисниците за апликацијата мора да се платат 1,99 долари. Чудно е што Kimoji се наоѓа на топ листата на апликации во App Store.
„Apple, жал ми е што ви го расипав App Store“, искоментира Ким поради излегувањето на апликацијата на топ листата.
