„Нашите напади со долг дострел даваат резултати во Ростовската област. Погодена е фабриката Каменски, претпријатие од руската одбранбена индустрија што се занимава со производство на ракети“, наведе Зеленски.
Според него, украинската војска погодила и противвоздушен систем Панцир-С2, како и командно-штабно возило на системот С-400 Триумф.
„Вкупната вредност на погодените средства за противвоздушна одбрана изнесува околу 70 милиони долари“, истакна украинскиот претседател.
Зеленски им се заблагодари на припадниците на Службата за безбедност на Украина и на другите украински одбранбени сили за операцијата.
„Праведно се браниме од руската агресија и правиме сè за да ја намалиме способноста на Русија да ја продолжи“, рече Зеленски.
Според Укринформ, припадниците на Центарот за специјални операции Алфа при украинската Служба за безбедност за една недела неутрализирале 3.198 руски војници.
