Чест е да се гледа македонската фудбалска репрезентација на Европско првенство – порача премиерот Зоран Заев, кој, како што објави на Фејсбук, мечот го следел заедно со бугарскиот премиер Стефан Јанев. Уште поголема чест, оцени Заев, е кога нашите соседи навиваат за нашите фудбалери.
„Бугарскиот премиер Јанев даде поддршка на македонската репрезентација во натпреварот со Украина.
И од трибини, и од дома и за време на работната посета на Софија, сите ги бодриме македонските фудбалери до последната минута, до последниот натпревар!
Главата горе момци, чест е да се гледа македонската фудбалска репрезентација на Европско првенство! Уште поголема чест е кога нашите соседи навиваат за вас!“, порача премиерот, од Софија.
