Во Гостивар во изминатото деноноќие биле прегледани 198 пациенти
Според информациите од Бајрами, на Инфективното одделение се прегледани 111 пациенти, на Одделението за педијатрија 75, а на Ургентниот центар 12 пациенти. Тој нагласи дека нема значителни промени во клиничката состојба на пациентите.
„Клиничките симптоми продолжуваат да бидат конфигурирани од стомачни тегоби, со поретко појавување на треска и покачена температура на телото“, изјави Бајрами.
Министерот за здравство, Сашо Клековски, на прес-конференција вчера објави дека од почетокот на епидемиолошката ситуација се евидентирани приближно 3.100 здравствени контакти преку Здравствениот дом, Општата болница, телефонските повици и интервенциите на Итната медицинска помош.
Клековски посочи дека првиот преглед е направен на 14 јули, а на 19 јули првпат е забележано намалување на бројот на приеми, што, според здравствените власти, претставува прв показател за стабилизација на состојбата.
