Џејкобс претходно објавила видео на социјалните мрежи во кое ја замолила пејачката да ѝ ја исполни желбата. Пораката стигнала до тимот на Сајрус, кој организирал средба зад сцената по нејзиниот концерт во „Холивуд боул“ во Лос Анџелес, на 18 октомври.
За време на средбата, пејачката ја охрабрувала обожавателката, порачувајќи ѝ дека е нормално истовремено да чувствува страв и сила.
„Можеш истовремено да бидеш и нежна и силна“, ѝ рекла Сајрус, пред да ја земе машинката и да ѝ ја избричи главата.
Џејкобс на 21 октомври објавила видео од емотивниот момент, откривајќи дека пејачката ѝ ги платила авионскиот билет до Лос Анџелес и влезниците за концертот.
„Мајли одвои време да биде со мене во еден од најстрашните и најинтимните моменти од мојот живот“, напишала таа, опишувајќи ја средбата како остварување на голема желба.
