Македонскиот голман Мартин Томовски вели дека селекцијата мора да остане максимално фокусирана за дуелот со Луксембург и да не го потцени противникот. Тој ги гледа претстојните натпревари и како подготовка за Светското првенство во јануари.
Томовски изјави дека националниот тим сака да се радува на првата победа во овој европски циклус, но и дека собирот треба максимално да се искористи поради краткото време до Светското првенство.
Според него, натпреварите со Луксембург и Грција ќе послужат и за воигрување на новиот играч, а атмосферата во селекцијата е одлична. Голманот додаде дека работи напорно и се надева дека моменталната форма ќе ја пренесе и во репрезентацијата.
Дуелот со Луксембург е закажан за в среда во СЦ „Борис Трајковски“ од 19:00 часот.
