Евролигата го прогласи македонскиот кошаркарски репрезентативец ТиЏеј Шортс за најкорисен играч на месец октомври.
Плејмејкерот, кој ова лето се приклучи на тимот на Валенсија, беше избран за МВП откако го предводеше тимот до учинок од 6 победи и 3 пораза во првите девет натпревари од сезоната.
Во овие натпревари, Шортс забележа просек од 17,1 поен, 5,7 асистенции, 1,8 скокови и 0,9 украдени топки по натпревар. Со овие бројки, тој се наоѓа на третото место во лигата во категориите поени и асистенции, додека со просечен индекс на корисност од 20,7 е меѓу двајцата најдобри играчи според овој параметар.
