Тајван ќе купи дури 400 американски ракети Харпун, лансирани од копно, соочени со зголемената закана од Кина, објави Блумберг Њус, цитирајќи извори запознати со тоа прашање.
Договорот со Боинг, потврден од командата на американските поморски воздушни системи во име на Тајван, е островот првпат да добие копнена мобилна верзија на Харпун, се вели во извештајот на Блумберг, кој се повикува на Руперт Хамонд-Чемберс, претседател на американско-тајванскиот деловен совет. Претходно, Тајван купи верзии на ракетата лансирани од бродови.
Овој месец, претседателот на Претставничкиот дом на САД, Кевин Мекарти, беше домаќин на тајванската претседателка Цаи Инг-вен во Калифорнија и ја истакна потребата да се забрза испораката на оружје за Тајван поради растечките закани од Кина.
Во 2020 година, тајванските власти нагласија дека планираат да купат копнени противбродски ракети „Харпун“ произведени од Боинг, како дел од напорите за воена модернизација.
МИА
