
Брегалница поведе преку Глигоров во финишот на првото полувреме, но Алији израмни директно од корнер во 51. минута. Радески со гол со глава во 87. минута ѝ ја донесе победата на Струга од 2-1.
Пред натпреварот, дефанзивецот на Струга Ландрит Рама изјави дека тимот ја искористил паузата за да ги отстрани грешките и дека победата му е главна цел. Тој рече и дека играчите се физички подготвени и дека веруваат оти ќе останат на врвот на табелата.
Струга е прва со 32 бода, пет повеќе од Тиквеш и Брегалница. Тиквеш утре ќе го одигра натпреварот од ова коло против Силекс на Националната арена „Тодор Проески“.



