Американскиот Стејт департмент денеска објави соопштение во кое им советува на граѓаните на Соединетите Американски Држави, кои се наоѓаат низ светот, да бидат особено претпазливи поради воените операции на САД и Израел во Иран.
„Откако започнаа американските воени акции во Иран, Американците, особено оние во Блискиот Исток, треба да ги следат упатствата од најновите безбедносни предупредувања што ги издало најблиското американско конзулат или амбасада“, стои во предупредувањето објавено на веб-страницата на Стејт департментот.
Исто така, се истакнува дека можни се нарушувања во патувањата поради периодичното затворање на воздушниот простор во некои области.
Рано утрово, САД и Израел извршија напади врз Иран, кои се опишуваат како „превентивни акции“, после неуспехот во преговорите за иранската нуклеарна програма. Во одговор, Иран направи масовни удари врз Израел и цели поврзани со САД во регионот.
