Американскиот секретар за одбрана Лојд Остин денеска разговараше со шефот на НАТО Јенс Столтенберг, кој е во посета на Вашингтон за да лобира за продолжување на финансирањето на борбата на Украина против руските трупи.
Десетици милијарди долари американска помош беа испратени во Украина од инвазијата пред речиси две години – но многу републикански пратеници не сакаат да продолжат да го поддржуваат Киев.
Столтенберг и Остин – кој го предводеше притисокот за меѓународна воена поддршка за Киев – се состанаа во Пентагон, со највисокиот американски воен офицер, генерал Чарлс Браун и други официјални претставници.
Американскиот претседател Џо Бајден побара од Конгресот да одобри 61 милијарда долари нова помош за Украина. Но, разговорите пропаднаа бидејќи републиканските пратеници — бесни поради рекордниот проток на мигранти преку границата на САД со Мексико — бараат големи промени во политиката за имиграција и гранична контрола во замена за одобрување повеќе пари за Украина.
Столтенберг вчера изјави за Фокс њуз дека договорот за кој се преговара во американскиот Конгрес е „добра зделка“.
„Американската помош за Украина беше само дел од буџетот на Пентагон, а сепак „можевме суштински да ја уништиме и деградираме руската армија“, рече Столтенберг, додавајќи: „И затоа треба да продолжиме да го правиме тоа“.
