Руските сили презедоа контрола врз нуклеарната централа во Чернобил, соопшти советникот од украинскиот претседателски кабинет – Микаил Подолиак, пренесува МИА.
Според него, невозможно е да се каже дали нуклеарната централа во Чернобил е безбедна по, како што го нарече, „тотално бесмислениот напад од Русите“.
„Ова е една од најсериозните закани во Европа денес“, додаде тој.
Попладнево советникот на украинскиот министер за внатрешни работи, Антон Черашченко, објави дека руските сили влегле во областа Чернобил, и тоа од страна на територијата на Белорусија, посочувајќи дека во борбите можеби е оштетен и објектот за складирање на нуклеарен отпад.
„Доколку артилерија ги погоди складишта за нуклеарен отпад, радиоактивната прашина ќе ја покрие цела ЕУ“, предупреди тој.
Нападот на Чернобил украинскиот претседател Володимир Зеленски го оцени како „објава на војна на цела Европа“.
„Руските окупациски сили се обидуваат да ја заземат нуклеарната централа Чернобил. Нашите бранители ги даваат своите животи за да не се повтори трагедијата од 1986 година. Ова е објава на војна против цела Европа“, напиша Зеленски, додавајќи дека го известил и шведскиот премиер.
Russian occupation forces are trying to seize the #Chornobyl_NPP. Our defenders are giving their lives so that the tragedy of 1986 will not be repeated. Reported this to @SwedishPM. This is a declaration of war against the whole of Europe.
— Володимир Зеленський (@ZelenskyyUa) February 24, 2022
