Поранешниот шеф на Агенцијата на Обединетите нации за помош и работа за палестинските бегалци (УНРВА), Матијас Шмале, обвини дека времето на откривање за наводно учество на неколку работници на УНРВА во нападите врз Израел е политички мотивирано.
Дванаесет вработени во агенцијата за помош на ОН се осомничени дека се вмешани во големиот напад врз Израел од страна на палестинската исламистичка организација Хамас на 7 октомври.
Извештаите се појавија веднаш по одлуката на Меѓународниот суд на правдата за војната во Газа на 26 јануари, изјави денеска Шмале.
Тој посочи дека е сосема можно да се вмешани дотичните вработени и истакна дека извештаите не го изненадиле.
-Но, тајмингот ми изгледа многу политички определен, нагласи тој.
Шмале не верува дека е веројатно дека околу 10 отсто од околу 12 илјади вработени во агенцијата за помош кои работат во Појасот Газа имаат врски со Хамас или исламистички џихад, како што објави вчера Волстрит журнал, цитирајќи досие на израелското разузнавање.
Меѓу вработените има луѓе кои имаат симпатии кон Хамас, рече тој.
-Но, за време на моето време, ние секогаш многу внимателно набљудувавме како луѓето работат, како се однесуваат, дали се однесуваат во согласност со вредностите на ОН и преземавме мерки кога сфативме дека тоа не е така.
Во тоа време осум лица беа „протерани“ во период од речиси четири години – не само поради врски со Хамас, туку поради однесување што не соодветствува со вредностите на Обединетите нации, рече Шмале. Тоа е многу помал процент.
-Мислам дека она што штотуку се појави во Волстрит Џурнал е целосно претерано, тврди Шмале.
