Еден од самоуправуваните автомобили на Google беше сопрен од полицаец, бидејќи се движел премногу бавно.
Причината била тоа што возилото возело со 38 км / ч при дозволени 56 км / ч, поради што зад него се формирала долга колона.
Од полицијата во Маунтин Вју информираа дека полицаецот го сопрел возилото бидејќи возело со премала брзина и довело до сообраќаен метеж. Откако тој забележал дека тоа е еден од автономните автомобили на Google, се поврзал со оператор, за да разбере како е избрана брзината на движење.
Според калифорнискиот закон автомобилите без возач можат да се движат по патишта, каде максималната дозволена брзина е до 56 км / ч. Од Google информираат дека автомобилите веќе поминале 1,6 милиони километри на патиштата и до овој момент не биле казнети.
