Слаткиот компир е богат со витамините А и Ц, но и бакар.
Витаминот A се наоѓа во речиси секоја крема против брчки.
Ако сте мислеле дека само скапите препарати, кремите и маски ги бришат брчките на лицето, сте се излажале. Оваа храна, освен тоа што е вкусна, изгледа прекрасно на зимската трпеза и многу благотворно влијае на кожата.
Пире од сладок компир
Доколку не го јадете овој изврсен специјалитет, време е да ја промените навиката. Слаткиот компир е богат со витамини. Улогата на бакарот е да го зголеми производството на колаген и да и даде еластичност на кожата.
Брусница
Ова овошје е идеална состојка за разни сосови, но и колачи и други слатки. Покрај тоа што е нискокалорична, брусницата е многу богат антиоксиданс, чија што улога е многу важна во борбата против оштетените ќелии. Секако, не може да ги избрише веќе постоечките брчки, но ја спречува појавата на нови.
Цвекло
Зеленчукот кој не е највкусен на светот, но е многу здрав. Изобилува со витамините А и Ц и влакна. Секако, ќе го израдувате своето тело доколку редовно го конзумирате. Доколку се комбинира со други зеленчуци, оревкасти плодови и зачини, може да биде исклучително вкусно, но и декоративно.
Боранија
Збогатете ја својата трпеза со оваа интересна храна. Боранијата е совршен извор на витаминот Ц, кој верно ја чува вашата кожа од оштетувања. Овој зеленчук може да се комбинира во облик на салата, но и како одличен прилог крај месо.
Морков и целер
Домашната супа не можеме да ја замислиме без морков или целер. Приказната за чудесната моќ на морковот одамна е раскажана, а потсетуваме дека бета каротенот со кој што изобилува овој зеленчук, ја штити кожата од опасното УВ зрачење.
