Шефот на Пентагон Лојд Остин денеска одржа виртуелна средба со Контактната група за одбрана на Украина која се состои од 50 земји. Ова беше 18-та средба на оваа меѓународна група од моментот кога е создадена во април 2022 година и прво појавување на Остин во јавноста по неговата хоспитализација.
– Заштитниците на Украина продолжуваат да нанесуваат значајни загуби на војската на Кремљ. Во својата непромислена војна Путин продолжува да жртвува огромен број руски војници. Тој се надева дека ракетите и беспилотните летала ќе го деморализираат украинскиот народ и скршат боевиот дух на украинските војници, рече Остин.
Шефот на Пентагон ги повика земјите учесници во групата да ѝ обезбедат на Украина повеќе системи за противвоздушна одбрана.
Според него, воените сили на Русија се значајно ослабени и деморализирани, а Украина врати под своја контрола повеќе од половина од суверената територија заземена од Русија по инвазијата.
– Суверена и безбедна Украина има решавачко значење за глобалната безбедност. И ние не треба да се двоумиме во нашата поддршка за Украина. САД продолжуваат да работат над мониторингот и водењето сметки за американската помош во областа на безбедноста испратена на Украина, истакна Остин и додаде дека САД не гледаат опипливи докази за бесполезно користење или назаконски пренасочување на американската техника дадена на Украина.
