Израелскиот премиер Бенјамин Нетанјаху рече дека „масивниот, невиден“ пакет воена помош што Израел го обезбеди од американскиот претседател Џо Бајден за време на неговата посета на Тел Авив, ќе му помогне на Израел да победи во војната против Хамас.
Во видео изјава од воениот штаб на ИДФ во Кирија во Тел Авив, Нетанјаху изјави дека му покажал на Бајден доказ дека палестинската терористичка група Исламски џихад е одговорна за експлозијата во болницата во Газа, пред американскиот претседател да пристигне во Израел.
Нетанјаху изјави дека посетата на Бајден на Израел била прва на американски претседател за време на војна.
Тој рече дека Израел ќе работи „на секој можен начин“ за да обезбеди ослободување на заложниците.
Нетанјаху вели дека му рекол на Бајден дека мора да му се дозволи на Црвениот крст да ги посети заложниците и дека Израел нема да дозволи хуманитарна помош да влезе во Газа од Израел додека заложниците не бидат ослободени.
МИА
