Злато и дијаманти, италијанска кожа и рачна изработка… Не станува збор за најновата колекција на чевли или пак накит од врвните дизајнерски имиња во светот на модата. Тоа се новите и досега најскапи аксесоари за iPhone.
Британскиот бренд Uunique неодамна на пазарот ги понуди најскапите футроли во светот изработени од дијаманти во бела и розoва боја, злато и италијанска кожа.
Оние кои нема да можат да одолеат на ваквата оригиналност ќе мора да платат околу 190 илјади фунти. Всушност, тоа е моментот кога ќе треба да одлучите дали ќе имате нов стан или пак скапоцена футрола за вашиот iPhone.
Новитетите во Лондон ги претстави познатата Миша Бартон којa дизајнираше неколку од додатоците за iPhone. Uunique понуди и подостапни аксесоари и тоа во бела, кафена и змиска кожа, со најразлични принтови, како и со кристали на Swarovski. Цените на поефтините аксесоари се движат од 34 до 600 фунти .
