Освежителни и вкусни, следниве шест видови храна ќе ви ја зачуваат добрата линија, ќе ви ја зголемат енергијата и ќе ви го подобрат здравјето. Добрата вест за сите нас е дека во најдобрата летна храна спаѓа и половина шопска салата 🙂
Освежителни и вкусни, следниве шест видови храна ќе ви ја зачуваат добрата линија, ќе ви ја зголемат енергијата и ќе ви го подобрат здравјето. Добрата вест за сите нас е дека во најдобрата летна храна спаѓа и половина шопска салата 🙂
![Боровница borovinki.jpg](https://365.com.mk/wp-content/uploads/stories/aurelia/film_romantika/borovinki.jpg)
Боровинките се наоѓаат на скоро сите листи на супер храна. Не само што ги топат мастите на стомакот, туку и се преполни со антиоксиданси, богати со витамин Ц и А, спречуваат уринарни инфекции, а содржат и флавоноиди што спречуваат појава на рак на јајниците. Боровинките се и одлични за подобрување на работата на дигестивниот систем.
![диња dinja_dinja.jpg](https://365.com.mk/wp-content/uploads/stories/aurelia/film_romantika/dinja_dinja.jpg)
Ладна диња во жежок летен ден не само што е вкусно освежување, туку и исполнување на дневната потреба од витамините А и Ц. Богата со бета каротин, дињата ги штити и видот и белите дробови. А покрај тоа, не мора ни да се грижите дека овој десерт ќе ви ја наруши линијата.
![Малини malini_malina.jpg](https://365.com.mk/wp-content/uploads/stories/aurelia/film_romantika/malini_malina.jpg)
Вкусните слатки малини се полни со антиканцерогени материи и богати и со минералот манган кој ја забрзува работата на метаболизмот. А една порција малини дава и третина од дневната потреба од диететски влакна.
![Пиперки piperkai.jpg](https://365.com.mk/wp-content/uploads/stories/aurelia/film_romantika/piperkai.jpg)
Добри се за срцето, белите дробови и очите. Неверојатно богати со антиоксидантските витамини Ц и А, а содржат и
неверојатно малку калории.
![Спанаќ spanak_s.jpg](https://365.com.mk/wp-content/uploads/stories/aurelia/film_romantika/spanak_s.jpg)
Не заборавајте на Попај! Спанаќот го штити срцето и ве чува од депресија. Една порција готвен спанаќ дава 35% од препорачаното количество железо. Богат со витамин К, Б и фолна киселина, спанаќот особено им се препорачува на бремени жени.
![Домати tomatos_domat.jpg](https://365.com.mk/wp-content/uploads/stories/aurelia/film_romantika/tomatos_domat.jpg)
Доматите ја зголемуваат способноста на кожата самата да се штити од негативните зрачења. Го намалуваат крвниот притисок и ја спречуваат појавата на рак на панкреас и гради. Покрај тоа што содржат антиоксиданси, доматите го намалуваат и холестеролот.