Новата регулатива на Европската унија предвидува, покрај финансиските врски, на црната листа да се најдат и лицата кои јавно ги поттикнуваат и поддржуваат насилните акции на Хамас против Израел, пишува денеска „Вечерњи лист“.
Шест лица се додадени на европската листа на санкционирани поради нивните финансиски врски со Хамас и палестинскиот исламски џихад (ПИЈ), но новата регулатива во Унијата предвидува дека, покрај финансиските врски, црната листа треба да вклучува и лица кои јавно поттикнуваат и поддржуваат насилни дејствија на Хамас против Израел, за кои некои велат дека лесно може да ја преминат границата од забрана на говор на омраза до вербален деликт.
Во исто време, ЕУ дебатира и дали треба да санкционира, првенствено со забрана на патувања, т.е. укинување на визите, екстремистичките Евреи, доселениците на Западниот Брег.
На ниво на ЕУ, последната одлука во врска со лицата поврзани со Хамас прецизира што ќе биде неприфатливо во иднина. Според тој декрет, лицата кои „ја поткопуваат или ја загрозуваат стабилноста или безбедноста на Израел, во врска со, под името, во име или со поддршка на Хамас“ можат да бидат вклучени во списокот на санкционирани лица.
