Оцетот не служи само како додаток во салатите. Може да го искористите и на косата, облеката, во автомобилот…Нешто ви е чудно? Прочитајте за што сѐ може да ја употребите ова магична течност од кујната.
1. Непријатен мирис во автомобилот
Мало шише со оцет оставете го отворено во багажникот. Ќе ги отстрани сите непријатни мириси.
2. Коса
Причината за проблемите со косата по едно попладне поминато на базен не е хлорот, туку остатоците од бакар кои стигнуваат во водата преку цевките. Ако твојата коса изгледа чудно, измиј ја со мешавина од 1/4 шолја оцет и вода.
3. Облека
Белиот оцет е средство за отстранување на дамките од облеката. Додај една шолја оцет во машината за уште поголема белина на алиштата, за отстранување на насобраниот детергент внатре во машината и дополнително решавање на непријатните мириси од облеката.
4. Болка
Едно австралиско истражување откри дека оцетната киселина е многу ефикасна против раните предизвикани од медуза.
5. Дамки од рацете
Дамките на рацете од вишни, малини, капини, боровинки и цреши може да ги исчистите ако по миење со сапун ги исплакнете рацете со оцет.
