Лек за ќелавост би можел да биде достапен набрзо по напредок во преговорите помеѓу научниците и фармацевтските комапании.
Научници од Универзитетот од Пенсилванија веруваат дека ја откриле причината за ќелавост – ензим кој ги разградува фоликулите на косата. Доктор Џорџ Котсарелис оваа недела најавил дека во моментов е во преговори со неколку фармацевтски компании за развивање на третман кој би можел да биде достапен во следните две години.
Лекови кои го блокираат протеинот се веќе достапни бидејќи се користат за справување со астма и алергии. Доктор Котсарелис и неговиот дерматолошки тим откриле дека ензимот Простагландин D2 (PGD2) спречува созревање на фоликулите. Врската помеѓу генетиката и ќелавоста долго време беше позната но не и причината.
Кога тимот ги анализирал скалповите на ќелави мажи тие откриле трипати повисоки нивоа PGD2 во регионите во кој косата е разретчена. Претходната работа на истиот тим открил дека ќелавите мажи имаат клетки кои се способни да создадат коса но тие едноставно не созреале.
Претпоставката е дека PGD2 спречува созревање на клетките што значи дека спречување на неговото функционирање би можело да помогне повторен раст на косата. Во лабораториските тестови на глувци соединението спречило раст на влакна. „Блокери“ за овој ензим биле формулирани како таблети за лекување на астма и алергии но би било можно да се пренаменат за лекување на скалпот.
