Кулеба во Брисел, една од целите е членство на Украина во НАТО

Шефот на украинската дипломатија Дмитро Кулеба изјави дека една од целите на неговата денешна посета на седиштето на НАТО во Брисел и учеството на состанокот на Комисијата НАТО-Украина е пристапувањето на неговата земја во Алијансата.

На прес-конференцијата по состанокот (на кој Кулеба најави дека ќе се дискутира за стратешкиот план за одржливо снабдување со воена помош на Украина и за забрзување на испораката на веќе ветената опрема, во која спаѓаат, како што рече, и муниција и оклопни возила), заедно со генералниот секретар на НАТО – Јенс Столтенберг, Кулеба оцени дека влезот на Финска во НАТО ја покажува потребата Алијансата да ги „ревидира сите стратегии“.

Честитајќи ѝ го приклучувањето на Финска, Кулеба рече дека решението за осигурување на безбедноста на Алијансата е „евентуалното членство на Украина во НАТО“.

Прочитајте и:  Македонија на 11 место во НАТО според процентот од БДП наменет за одбраната

Во врска со воената помош за УКраина, Кулеба ја повика Алијансата да ја забрза испораката на артилерија, муниција и тешки возила за „успешна контраофанзива“ против Русија.

Тој изрази благодарност до Столтенберг за организирањето на Комисијата НАТО-Украина и покрај приговорите на  Унгарија. Комисијата, оцени, е значајна во симболичен, политички и практичен контекст.

Извор: МИА

- Реклама -