Календарот со Путин вистински хит во Јапонија, ги засенува и домашните ѕвезди (ГАЛЕРИЈА)

Путин влегува полугол во ледено студена вода за време Водици… Путин лови риба, исто полугол… Путин гали куче… Путин вози точак… Путин игра хокеј… Путин крева тегови… Овие слики ги красат ѕидовите на многу Јапонци… Ама и Јапонки.

Календарот со Путин убедливо растура во Јапонија, засенувајќи ги дури и домашните неверојатно популарни ѕвезди, било да доаѓаат од областа на спортот или поп-културата.

Популарниот ланец продавници Loft – кој продава разна покуќнина и предмети за домаќинство, и има ексклузивно право на календарот со 66-годишниот руски претседател, вели дека Путиновиот календар убедливо доминира во продажбата, и тоа низ цела Јапонија. Од компанијата соопштуваат дека во септември почнале да продаваат календари со „низа славни луѓе“, но никој не успева да продаде ни близу колку што успева Путин.

Додуша Loft продава календар со Путин веќе трета година, токму поради популарноста. Во календарите од минатите години, сега вклучен е и најновиот за 2019-та, во кој, на пример, го има Путин додека игра во снег со своето куче Yume (на јапонски значи „Сон“) од расата Akita Inu од префектурата Akita во Јапонија, кое Путин го доби од гувернерот на областа во знак на благодарност за помошта од Русија по тројната катастрофа од март 2011-та (земјотресот, цунамито, Фукушима). Во ланскиот календар, пак, ја има славната фотографија од Путин додека полугол лови риба.

Веројатно дел од Јапонците календарите со Путин ги купуваат иронично, како вид на практична шега. Но тоа не го менува фактот што календарите на Путин се попродавани од тие на сериозни јапонски селебрити имиња. На пример, вториот најпродаван е календарот со Кеи Танака – 34-годишен актер кој игра во низа популарни ТВ серии и филмови во Јапонија. Трет најпродаван е календарот на Јузуру Ханју – 24-годишниот двократен олимписки шампион во машко уметничко лизгање. Голем дел од популарноста на Ханју се должи и на неговиот „шармантен момчешки изглед“, а неговиот втор последователен златен медал на Олимписките игри во 2018-та го крена до статус на јапонско божество. Како што пишуваат јапонските медиуми, ова е единствената ситуација кога за Ханју може да се рече дека во нешто е „трет“, а ете, благодарение на Путин.

Прочитајте и:  Макрон го повика Путин да се вразуми, а Кина да го притисне за деескалација... потегот на Бајден го смета за „добра одлука“

Меѓутоа, како што пренесуваат јапонските медиуми, во последно време се појавува и голем бран на самопрогласени „фанови на Путин“ меѓу младите жени во Јапонија. Овој бран носи голема заслуга за тоа што календарот со Путин го држи самиот врв во продажбата. Како што пишува Livedoor News, многу од жените велат дека има нешто привлечно кај поранешниот КГБ агент и актуелен руски „контроверзен“ (според западните медиуми) претседател. Некои од нив посочуваат дека тоа е веројатно неговиот невообичаен стил и нескриениот мачоизам.

 

Исто така во календарите со Путин:

https://twitter.com/RussiaInsider/status/1074637064661016576

- Реклама -

ПОВРЗАНИ НАПИСИПОВЕЌЕ ОД АВТОРОТ