Луѓето кои работат за Google Maps гледаат конкуренција кај Apple и други апликации за навигација. Затоа тие се фокусираа кон тоа да ја подобрат достапноста до Google Maps и да пуштаат нови функции.
Најновата верзија на Google Maps (која во моментов е само за уреди со оперативниот систем Android) ви овозможува да симнете мапи и други информации пред да патувате и потоа да имате пристап до нив, дури и ако немате интернет. Ова важи за целиот свет.
Од Google велат дека може да ја симнете мапата на даден регион, ако барате по град, или држава, за потоа да може да работи офлајн. Ова сигурно е многу практична услуга, ако се наоѓате на место со недостаток од интернет.
