Марко Брешанини е новото засилување на Фиорентина за вториот дел од сезоната.
Клубот, кој од почетокот на сезоната собра само 13 бода и во моментов се наоѓа на дното на табелата, мора да направи промени за да избегне борба за опстанок и да се врати на позицијата која му припаѓа – во горниот дел од листата.
Иако Виола е далеку од целта, Брешанини може да биде клучниот играч кој недостасува. Тренерот Паоло Ваноли веќе имал разговори со него и се чини дека клубот може да добие значајно засилување во средниот ред.
Брешанини веќе започна со тренинзи со новиот тим, а договорот е до крајот на сезоната, во форма на позајмица со опција за откуп што ќе биде разгледана на крајот на сезоната.
Овој фудбалер досега одигра само осум натпревари за Аталанта во тековната сезона.
Foto/ freerangestock
