Ви го најавуваме првото издание на дводневниот мултимедијален фестивал АРТ УМ, кој ќе се одржи во Гевгелија на 21 и 22 јуни 2024 година.
Овој фестивал ќе вклучува широк спектар на активности, вклучувајќи изложби, работилници, уметнички перформанси и настапи на истакнати домашни и странски изведувачи од електронската музичка сцена.
![](https://365.mk/wp-content/uploads/2024/06/poster-5-1024x1024.png)
![](https://365.mk/wp-content/uploads/2024/06/poster-5-1024x1024.png)
Локациите за овој настан се Дом на Култура – Гевгелија (21 јуни) и клубот Де Факто (22 јуни). Програмата започнува на 21 јуни со мултимедијална изложба во Домот на Културата, каде што ќе бидат презентирани уметнички дела, инсталации и перформанси од истакнати локални уметници од Гевгелија: Перо Кованцалев, Ице Капсаров, Александар Јанев и Мирјана Крстева Масети. Ќе се одржат кратки работилници, вклучувајќи ја „Генеративна уметност“ од архитект Натали Василева, како и мастер клас на тема „Кратка историја и вовед во електронската музика и основи на аналогна синтеза“ од продуцентот и диџеј Александар Гроздановски (Herzel), кој исто така ќе настапи со музички перформанс.
На 22 јуни фестивалот продолжува со десетчасовен музички дел на два стејџа, кој ќе започне во 22:00 часот и ќе трае до 06:00 часот. Главни хедлајнери ќе бидат етаблирани изведувачи од електронската музичка сцена, како што се Jimpster од Freerange Records, Лондон, UK и Samuel L Session од SLS Records, Гетеборг, Шведска. На овој настан ќе настапат и веќе познати артисти од домашната електронска сцена: Tomi Bojadzi, Maci, Wish.Ko, Samoil Radinski, Soul Case, Berryqat, Joss, и Mosaik Kollektif.
![](https://365.mk/wp-content/uploads/2024/06/22-sls-1024x1024.png)
![](https://365.mk/wp-content/uploads/2024/06/22-sls-1024x1024.png)
Ова издание на АРТ УМ Фестивалот ветува програма која ќе ги задоволи сите љубители на уметноста и електронската музика. Не го пропуштајте овој уникатен настан во Гевгелија!
![](https://365.mk/wp-content/uploads/2024/06/22-jimpster-1024x1024.png)
![](https://365.mk/wp-content/uploads/2024/06/22-jimpster-1024x1024.png)
Целта на овој фестивал е да се обогатат културните и социјалните аспекти на заедницата како и креирање на културна дестинација на градот Гевгелија кој што ќе привлече посетители од регионот и целата држава . Со понудената програма на фествилот градот би се позиционирал на мапата на фестивал туризмот и нови можност за туризам и локален економски развој.
![](https://365.mk/wp-content/uploads/2024/06/poster-1-1024x1024.png)
![](https://365.mk/wp-content/uploads/2024/06/poster-1-1024x1024.png)
Во овој регион постои дефицит на настани од овој карактер затоа, се обидуваме да ја оствариме нашиот визија преку креирање на настани, каде што љубителите на електронската музика може да се соберат, да споделуваат и разменуваат искуства.