Усман Дембеле, играчот на Пари Сен Жермен, ја одбил првата понуда за продолжување на договорот, која изнесува 30.000.000 евра, известуваат француските медиуми.
Клубот започнал преговори со францускиот репрезентативец, кој има валиден договор до 2028 година, со цел да го задржи како клучен играч во историската сезона 2024/2025, кога тимот успеа да ја освои Лигата на шампионите.
Според информациите, Дембеле веќе добил предлог од клубот, но тој не одговара на неговите финансиски очекувања.
Понудената сума од 30.000.000 евра по сезона е проблематична, бидејќи менаџерот на фудбалерот бара почти двојно поголема вредност, што значи дека договорот во моментов е далеку од реализација.
Во сезоната 2024/2025, Дембеле освои важни индивидуални награди, вклучително и Златната топка, наградата „Најдобар“ на ФИФА и титулата за најдобар играч на Лигата на шампионите, играјќи одлучувачка улога во освојувањето на првиот европски трофеј во историјата на ПСЖ.
